EMI gefur út neikvæða afkomuviðvörun

Útgáfufyrirtækið EMI hefur sagt upp forstjóra fyrirtækisins og stjórnarmanni og hefur kynnt ýmsar ráðstafanir til að bæta afkomu fyrirtækisins í kjölfar dræmrar sölu um jólin. Fyrirtækið sendi frá sér neikvæða afkomuviðvörun í dag vegna samdráttar. Gengi félagsins féll um 10 prósent í kauphöll Lúnduna í Bretlandi vegna fréttanna.

EMI, sem er þriðja stærsta útgáfufyrirtæki heims á sviði tónlistar, batt miklar vonir við hljómdiskinn „Love“ með Bítlunum sálugu og nýjustu plötu breska popparans Robbie Williams. Fjöldi þekktra tónlistarmanna gefur út undir merkjum EMI, þar á meðal breska hljómsveitin Coldplay.

Sala hjá fyrirtækinu dróst hins vegar nokkuð saman á síðasta ári og segir það líkur á að hagnaður fyrirtækisins hafi minnkað um 6 til 10 prósent í fyrra. 

Að sögn EMI er ein af ástæðum samdráttarins ólöglegt niðurhal á tónlist á netinu