Beckham til LA í þessum mánuði?

Ekki er loku fyrir það skotið að David Beckham fari fyrr til Bandaríkjanna en áætlað er en líklegt þykir að forráðamenn LA Galaxy, sem Beckham samdi við fyrir helgi, reyni að kaupa upp samning hans við Real en sem kunnugt er mun Beckham ekki spila aftur fyrir spænska stórveldið.

Stephen Rodriguez, talsmaður bandarísku atvinnumannadeildarinnar, segir mjög líklegt að Alexi Lalas, framkvæmdastjóri LA Galaxy, og Frank Yallop, þjálfari liðsins, freisti þess að fá Beckham til Los Angeles nú þegar. Keppni í bandarísku deildinni hefst í janúar og er ljóst að lið Galaxy mun styrkjast til muna með tilkomu Beckham.

“Ég get ekki séð betur en það sé hagur beggja aðila, þ.e. Real Madrid og LA Galaxy, að Beckham fari frá strax frá Spáni og komi til Bandaríkjanna,” segir Rodriguez.