Eldur í flugvél friðargæsluliða

Eldur kviknaði í flugvél friðargæsluliða frá Afríkubandalaginu snemma í morgun í Mógadishu höfuðborg Sómalíu. Þetta er haft eftir embættismönnum á staðnum en ekki er enn vitað um ástæður eldsins.

Átök hafa geisað í höfuðborginni milli stjórnarhers landsins og íslamskra uppreisnarhópa.

Afríkubandalagið ákvað að senda um átta þúsund manna friðargæslulið til landsins í þeirri von að lægja ófriðaröldurnar og taka við af Eþíópíska hernum, en uppreisnarmenn hafa hótað áframhaldandi árásum á þá sem standa í vegi fyrir valdatöku þeirra.