Schuster ekki í viðræðum við Real Madrid

Þýski þjálfarinn Bernd Schuster hjá Getafe segir ekkert til í skrifum AS sem í dag fullyrti að hann væri í viðræðum við Real Madrid um að taka við af Fabio Capello. Schuster hefur áður lýst því yfir að hann vilji einn daginn taka við stóra liðinu í Madrid, en þvertekur fyrir að hafa rætt við forráðamenn félagsins nú.

Schuster hefur náð undraverðum árangri með smálið Getafe og hefur fest það í sessi meðal þeirra bestu á Spáni. Schuster er fyrrum vestur-þýskur landsliðsmaður.