Tap hjá EasyJet

EasyJet, annað stærsta lággjaldaflugfélag í Evrópu, skilaði tapi upp á 12,7 milljónir punda, jafnvirði rétt rúmra 1,6 milljarða íslenskra króna, á fyrsta fjórðungi ársins. Þetta er engu að síður betri afkoma en í fyrra en þá nam tap fyrirtækisins 28,9 milljónum punda, 3,7 millörðum króna. Félagið segir hærri álögur á farþega vegna síhækkandi stýrivaxta hafa komið niður á hagnaðinum.

Farþegafjöldi EasyJet jókst um 11 prósent á milli ára.

Tekjur námu 719 milljónum punda á tímabilinu sem er 14 prósenta hækkun á milli ára.

Andy Harrison, forstjóri EasyJet, segir að inn í afkomutölurnar spili harðnandi samkeppni auk þess sem umræðan um umhverfismál hafi skilaði sér í því að flugfarþegar séu tvístígandi um flugferðalög. Þá jók ríkisstjórn Bretland enn þrýsting sinn á flugfélög í febrúar með tvöfalt hærri umhverfisskatti en áður.