Verðbólga mælist tæp 3.732 prósent í Zimbabve

Verðbólga jókst um tæp 1.532 prósent á milli mánaða í Afríkuríkinu Zimbave og jafngildir það að verðbólga þar sé nú tæp 3.732 prósent. Verðbólga í heiminum er hvergi jafn há og í Zimbabve í dag. Til samanburðar mælist 4,7 prósenta verðbólga hér á landi.

Til samanburðar mældist 2.200 prósenta verðbólga í Zimbabve í síðasta mánuði. Óttuðust stjórnvöld mjög að verðbólgutölurnar myndu skyggja á 27 ára sjálfstæðisfagnað landsins og dró ríkisstjórnin í lengstu lög að birta tölurnar.

Helsta ástæðan fyrir verðbólguaukningunni í Zimbabve eru hækkanir á raforku- og matvælaverði. Þá hefur ekki bætt úr skák að gengi gjaldmiðils Zimbabve hefur lækkað nokkuð gagnvart erlendum gjaldmiðlum, að sögn stjórnvalda í Zimbabve.

Að sögn breska ríkisútvarpsins gera hagfræðingar ráð fyrir því að ástandið eigi eftir að versna frekar þar sem landið er nauðugur einn kostur að flytja inn matvæli á borð við maís á næstunni til að bregðast við yfirvofandi matvælaskorti heimafyrir.

Anstæðingar Roberts Mugabes, forseti Zimbabve, kenna honum um ástand mála en efnahagslífið hrundi eftir að hann rak hvíta bændur af jörðum sínum fyrir nokkrum árum. Mugabe segir á móti, að stjórnvöld í öðrum löndum vilji koma honum frá og reyni því að spilla fyrir í efnahagslífinu til að hrekja hann frá völdum.