Messi fagnar komu Thierry Henry

Argentinumaðurinn Lionel Messi hjá Barcelona segist fagna því að félagið sé að fá Thierry Henry í sínar raðir á morgun og hefur ekki áhyggjur af því að koma Frakkans komi til með að ógna sæti sínu í liðinu. Hann segir það undir Frank Rijkaard komið að finna pláss fyrir allar stjörnurnar í framlínu liðsins.

"Henry er stórlax og það er vegna þess sem hann er að koma til Barcelona," sagði Messi í samtali við El Mundo Deportivo. "Maður á borð við Henry tekur ekki áhættu á að fara til liðs sem er ekki á toppnum. Hann hefur sýnt það í gegn um árin að hann er frábær leikmaður og Cesc Fabregas (leikmaður Arsenal og spænska landsliðsins) hefur sagt mér að Henry sé ekki að eins heimsklassa leikmaður - heldur einnig leiðtogi og drengur góður utan vallar. Ég hef ekki áhyggjur af því að Henry sé að koma hingað hvað sæti mitt í liðinu varðar, ég er enginn krakki lengur og ég veit að Rijkaard þjálfari finnur pláss fyrir okkur alla í liðinu," sagði Messi.