Ólíklegt að ökumaður jeppans í Glasgow lifi af

Samkvæmt læknum sem annast manninn sem keyrði jeppa inn í flugstöðina í Glasgow, þykir ólíklegt að hann haldi lífi. „Maðurinn hlaut 3. stigs bruna á búk og útlimum og ólíklegt er að við náum að bjarga honum," sagði einn læknanna.

„Hann hefur misst stóran hluta af húðinni og er því viðkvæmur fyrir sýkingum og hann mun ekki þola það." Maðurinn, sem heitir Kafeel Ahmed, keyrði Cherokee jeppa inn í flugstöðina í Glasgow, einum degi eftir að lögreglan í London fann tvær ósprengdar bílsprengjur í miðbæ London.