Lyon hefur áhuga á Reyes

Forráðamenn frönsku meistaranna í Lyon hafa staðfest að þeir hafi áhuga á að fá spænska landsliðsmanninn Jose Antonio Reyes hjá Arsenal í sínar raðir. Reyes spilaði sem lánsmaður hjá Real Madrid á síðustu leiktíð og stóð sig ágætlega, en hann hefur neitað að snúa aftur til Englands.

"Ég spurðist fyrir um Reyes og mér er sagt að hann sé góður leikmaður. Hann myndi sannarlega koma til greina fyrir okkur, en við höfum ekki sett okkur í samband við hann. Það eru tveir eða þrír leikmenn sem koma til greina hjá okkur," sagði forseti Lyon. Þjálfarinn Alain Perrin er mjög hrifinn af Reyes. "Ef einhver segði mér að hann væri á lausu - yrði ég mjög spenntur," sagði Perrin.