Sprenghlægilegir spekingar

Davíð Oddsson seðlabankastjóri gefur lítið fyrir ummæli sérfræðinga um að kasta þurfi krónunni og taka upp evru. Hann segir orð slíkra spekinga sprenghlægileg.

Davíð tilkynnti í morgun að Seðlabankinn ætlaði ekki að hrófla við stýrivöxtum að þessu sinni - nen þeir eru nú 13,3%. Við það tækifæri innti fréttastofa seðlabankastjórann álits á þeim orðum bandaríska hagfræðingsins Benn Steil í ágústlok að taka ætti upp evru og líkti þeim þjóðu sem vilja halda í litla gjaldmiðla við ökumenn sem taka beinskiptan Trabant fram yfir sjálfskiptan Mercedes Benz.

Aðspurður hvort ástæða væri til að taka umræðu um evru upp að nýju í fullri alvöru, sagði Davíð að um evruna hefðu verið gerðar ítarlegar skýrslur fyrir um áratug. Þær væru enn í fullu gildi. Fáránlegt væri að velta fyrir sér að taka upp evru án þess að ganga í Evrópusambandið.