Hamilton ætlar að ræða við Alonso

Lewis Hamilton segist ætla að setjast niður með félaga sínum Fernando Alonso hjá McLaren til að ræða keppnisáætlun sína fyrir Japanskappaksturinn um helgina.

Hamilton brást reiður við þegar Alonso keyrði hann út af brautinni í Spa kappakstrinum á Belgíu fyrir hálfum mánuði og nú þykir honum rétt að þeir félagarnir reyni að koma í veg fyrir að slíkt endurtaki sig.

"Ég mun væntanlega ræða við hann því við höfum ekki talað saman síðan þetta gerðist. Ég hef mínar skoðanir á málinu og ef hann vill vera svona grimmur, get ég alveg verið það líka," sagði Bretinn ungi.

"Við munum ekki gefa hvor öðrum neitt þarna úti, en ég ætla ekki að taka óþarfa áhættur með fíflaskap. Ég mun bara tryggja að ég verði á undan honum," sagði Hamilton.

Nokkur ólga hefur verið í herbúðum McLaren á keppnistímabilinu og spennan milli þeirra Hamilton og Alonso ku vera orðin ansi mikil.