Hatton klár í fimm bardaga í viðbót

Faðir og umboðsmaður breska hnefaleikarans Ricky Hatton segir hann vera kláran í að berjast að minnsta kosti fimm sinnum í viðbót á næstu tveimur árum áður en hann íhugar að leggja hanskana á hilluna.

Hinn 29 ára gamli Hatton tapaði sínum fyrsta bardaga á ferlinum um daginn þegar hann var rotaður af Floyd Mayweather í Las Vegas.

"Ricky er bara 29 ára gamall og hann gæti haldið áfram fram yfir þrítugt. Hann vill hinsvegar ekki berjast þegar hann fer að dala. Menn berjast að jafnaði tvisvar á ári í þessum bransa og Ricky vill framvegis helst berjast í Manchester eða á Írlandi þar sem hann á sér stóran hóp aðdáenda," sagði umboðsmaðurinn.