Raikkönen upp að hlið landa síns

Kimi Raikkönen komst í 51. skiptið á verðlaunapall á ferlinum í dag þegar hann sigraði í Spánarkappakstrinum í Formúlu 1. Hann hefur þar með komist jafnoft á verðlaunapall og landi hans Mika Hakkinen á sínum tíma.

Þeir félagar eru jafnir í 10. sæti yfir þá sem oftast hafa komist á verðlaunapall í sögu Formúlu 1, en þar er Þjóðverjinn Michael Schumacher í algjörum sérflokki - komst 154 sinnum á pall á ferlinum.

Hér fyrir neðan má sjá hverjir hafa komist oftast á verðlaunapall í F1.

154 Michael Schumacher

106 Alain Prost

80 Ayrton Senna

61 Rubens Barrichello

61 David Coulthard

60 Nelson Piquet

59 Nigel Mansell

54 Niki Lauda

51 Kimi Räikkönen

51 Mika Häkkinen