Hagur Apple vænkast

Bandaríski hátækniframleiðandinn Apple hagnaðist um 1,14 milljarða Bandaríkjadala, jafnvirði 126 milljarða íslenskra króna, á síðasta ársfjórðungi. Hann er sá fjórði bókum félagsins. Til samanburðar nam hagnaðurinn 904 milljónum dala á sama tíma í fyrra. Þetta er 26 prósenta aukning á milli ára. Tekjur námu 7,9 milljörðum dala samanborðið við 6,22 milljarða á fjórða ársfjórðungi í fyrra. Þetta er engu að síður undir væntingum greinenda sem höfðu reiknað með rétt rúmlega átta milljörðum í kassann. Reiknað er með ívið betri afkomu á yfirstandandi ársfjórðungi, eða á bilinu níu til tíu milljörðum dala. Bandaríska fréttastofan CCN hefur eftir Steve Jobs, forstjóra Apple, úr tilkynningu, að óvíst sé um framhaldið. "Við vitum ekki enn hvaða áhrif aðstæður í efnahagslífinu muni snerta Apple," segir hann.