De la Hoya átti aldrei séns

Ferli Oscar de la Hoya lauk í gær er hann tapaði fyrir Manny Pacquiao í Las Vegas í gær. Sigur þess síðarnefnda var öruggur.

Pacquiao fór það illa með andstæðing sinn að hann neitaði að koma út úr horni sínu eftir áttundu lotu. Þar með var sextán ára ferli de la Hoya lokið.

„Hann er frábær boxari," sagði de la Hoya eftir bardagann. „Ég get ekkert slæmt sagt um hann. Hann undirbjó sig fyrir þennan bardaga eins og sannur meistari."

Pacquaio er frá Filippseyjum og brutust út mikil fagnaðarlæti í heimalandi hans eftir bardagann.