Everton mætir Standard Liege

Í dag var dregið í fyrstu umferð UEFA-bikarkeppninnar en meðal annars drógst Everton gegn Standard Liege frá Belgíu sem gerði Liverpool erfitt fyrir í forkeppni Meistaradeildar Evrópu.

Everton verður á heimavelli í fyrstu viðureigninni. Hermann Hreiðarsson og félagar í Portsmouth mæta Vitoria SC frá Portúgal, Manchester City mætir Omonia frá Kýpur og Aston Villa mætir Litex Lovech frá Búlgaríu. Tottenham mætir Wisla Krakow frá Póllandi en síðarnefnda liðið var slegið úr leik í forkeppni Meistaradeildar Evrópu af Barcelona.

Aston Villa vann samanlagðan 5-2 sigur á FH í annarri umferð forkeppni UEFA-bikarkeppninnar en liðin gerðu 1-1 jafntefli í síðari viðureign liðanna á Villa Park í gærkvöldi.

AC Milan mætir FC Zürcih í fyrstu umferð keppninnar og þá mætir Sevilla liði Red Bull Salzburg frá Austurríki.

Íslendingaliðið Brann mætir Deportivo La Coruna frá Spáni en með Brann leika þeir Kristján Örn Sigurðsson, Ólafur Örn Bjarnason, Ármann Smári Björnsson, Gylfi Einarsson og Birkir Már Sævarsson.

Stefán Gíslason og félagar í Bröndby mæta Rosenborg frá Noregi. Hollenska úrvalsdeildarliðið FC Twente, sem Bjarni Þór Viðarsson leikur með, mætir Rennes frá Frakklandi.

Fyrri viðureignirnar fara fram þann 18. september og þær síðari þann 2. október. Þau 40 lið sem komast áfram úr fyrstu umferðinni komast í riðlakeppnina.

Drátturinn:

AC Milan - FC Zürich

Politehnica Timisoara - Partizan Belgrade

Hertha Berlin - St Patricks

Banik Ostrava - Spartak Moscow

Metalist Kharkiv - Besiktas

Portsmouth - Vitoria SC

Kayserispor - PSG

Sevilla - SV Red Bull Salzburg

Wolfsburg - Rapid Búkarest

Sampdoria - FBK Kaunas

Maritimo - Valencia

Dinamo Zagreb - Sparta Prague

Manchester City - Omonia Nicosia

Young Boys - Club Brügge

AS Nancy - Motherwell

Everton - Standard Liege

Napoli - Benfica

AC Bellinzona - Galatasaray

NEC - Dinamo Bucuresti

Racing Santander - FC Honka

APOEL Nicosia - Schalke 04

Litex Lovech - Aston Villa

FK Austria Magna - Lech Poznan

Vitoria Setubal - Heerenveen

SK Brann - Deportivo La Coruna

Slavia Prague - Vaslui

Slaven Koprivnica - CSKA Moscow

Bröndby - Rosenborg

Cherno More - VfB Stuttgart

Rennes - FC Twente

Ajax - Borac

Tottenham - Wisla Krakow

FC Kaupmannahöfn - FC Moskva

MSK Zilina - Levski Sofia

Borussia Dortmund - Udinese

Braga - Artmedia Petrzalka

Feyenoord - Kalmar FF

Hamburger SV - Unirea Urziceni

Hapoel Tel-Aviv - Saint Etienne

FC Nordsjælland - Olympiakos