Gróði í álinu

Bandaríski álrisinn Alcoa, sem meðal annars rekur álverið á Reyðarfirði, hagnaðist um 632 milljónum bandaríkjadala, jafnvirði rúmra 40 milljarða íslenskra króna, á síðasta fjórðungi nýliðins árs. Þetta er 76 prósenta aukning á milli ára. Tekjur fyrirtækisins hafa aldrei verið meiri á einu ári þrátt fyrir lægra álverð undir lok árs.

Líkt og fyrri ár var Alcoa fyrsta fyrirtækið til að skila inn uppgjöri sínu á bandarískum markaði í gær, að sögn fréttastofu Associated Press.

Hagnaður á hlut nam 75 sentum á hlut á fjórða ársfjórðungi samanborið við 41 sent á hlut á sama tíma í fyrra.

Tekjur Alcoa námu 7,39 milljörðum dala á tímabilinu samanborið við 7,84 milljarða árið á undan. Heildarhagnaður ársins nam hins vegar 30,75 milljörðum dala sem er 370 milljónum dala meira en allt árið á undan.

Afkoman er talsvert yfir spám markaðsaðila en þeir höfðu reiknað með því að hagnaðurinn myndi dragast saman og nema 33 sentum á hlut. Gengi hlutabréfa í Alcoa tóku stökkið eftir lokun markaða, hækkaði um 4,2 prósent og fór í 32,55 dali á hlut.