Fengu 1,9 milljón fyrir sigurinn á Barcelona

Leikmenn Real Madrid fengu vænan bónus fyrir sigurinn á Barcelona á Þorláksmessu í spænsku úrvalsdeildinni, um 1,9 milljónir króna.

Real Madrid vann leikinn, 1-0, með marki Julio Baptista en hans var beðið af mikilli eftirvæntingu eins og alltaf þegar liðin mætast.

Eftir sigurinn er Real Madrid með sjö stiga forskot á toppi deildarinnar en Börsungar eru í öðru sæti. Þetta var aðeins annar sigur liðsins á Nou Camp síðan 1983.

Roman Calderon var svo ánægður með sigurinn að hann ákvað að gefa leikmannahópnum hálfa milljón evra í bónus. Þeir leikmenn sem ekki spiluðu í leiknum fá einnig bónusinn.

Hann gaf munnlegt loforð sitt fyrir þessu á æfingu í vikunni fyrir leikinn og hefur hann nú staðið við gefið loforð.