Líkir Ribery við Zidane

Oliver Kahn, markvörður Bayern Munchen, hefur líkt félaga sínum Franck Ribery við goðsögnina Zinedine Zidane vegna tilþrifa hans með Bayern í vetur.

Vængmaðurinn Ribery hefur verið stórkostlegur með Bayern síðan hann gekk í raðir félagsins frá Marseille í sumar og þó hann spili ekki sömu stöðu og fyrrum félagi hans hjá franska landsliðinu, virðist Kahn sá eitthvað líkt með þeim á vellinum.

"Það er hægt að bera hann saman við Zidane út af tækni hans og flæðinu sem er á leik hans," sagði Kahn í samtali við Welt og bætti við að Ribery geri nánast allt vel á vellinum.

Bayern er í góðri stöðu til að tryggja sér sæti í Meistaradeildinni á næstu leiktíð eftir að hafa þurft að sitja eftir á síðustu leiktíð sem var ein sú slakasta í áraraðir hjá þýska risanum.