Eiður Smári í leikmannahópi Börsunga

Eiður Smári Guðjohnsen er í leikmannahópi Barcelona sem mætir Valladolid í spænsku úrvalsdeildinni í knattspyrnu á morgun.

Eiður meiddist lítillega í leiknum gegn Valencia í spænsku bikarkeppninni á fimmtudaginn en hefur nú jafnað sig fyllilega á þeim.

Leikurinn hefst klukkan 16.00 á morgun.

Leikmannahópur Barcelona: Valdés, Pinto, Puyol, Zambrotta, Thuram, Abidal, Sylvinho, Touré Yaya, Edmílson, Xavi, Iniesta, Gudjohnsen, Bojan, Eto'o, Henry, Víctor Vázquez, Pedrito og Víctor Sánchez.