Mosley tók þátt í nasistaorgíu með fimm vændiskonum

Helgarblaðið News of the World hefur undir höndum myndband sem sagt er að sýni Max Mosley, forseta Alþjóða akstursíþróttasambandsins, í kynlífsleikjum með fimm vændiskonum í Lundúnum.

Myndbandið var tekið upp í húsnæði sem búið var að breyta í pyntingarsal að hætti nasista í stríðinu og þar skiptast Mosley og vændiskonurnar á flengingum og fleiri kynlífstengdum athöfnum.

Mosley hrópaði skipanir til stúlknanna á þýsku. Þau fengu sér svo tesopa að athöfninni lokinni og Mosley greiddi stúlkunum um 390 þúsund krónur fyrir ómakið.

Mosley er sonur fyrrum fasistaleiðtoga á Englandi, Oswald Mosley, sem sagður er hafa átt vingott við Adolf Hitler á sínum tíma.

Max Mosley er 67 ára gamall og hefur verið giftur konu sinni Jean Taylor síðan árið 1960. Þau búa í Mónakó.

Smelltu hér til að sjá myndirnar og brot úr myndbandinu á vef News of the World.