Hamilton vill klára ferilinn hjá McLaren

Lewis Hamilton, nýkrýndur meistari í Formúlu 1, segist vilja klára ferilinn sinn hjá McLaren þó hann sé ekki nema 23 ára gamall.

„Ég sé enga ástæðu til að breyta til þar sem ég er þar sem ég vil vera og með þann bíl sem ég vil vera með," sagði Hamilton. „Ég veit ekki hversu langur ferill minn í Formúlunni en ég vil klára ferilinn hjá McLaren."

Hamilton var fagnað í bækistöðvum McLaren á Englandi í dag en hann varð heimsmeistari á sunnudaginn eftir æsispennandi lokakeppni sem fór fram í Brasilíu. Um 1500 starfsmenn McLaren voru mættir til að samfagna með Hamilton.