Fótbolti

Toni tryggði Bayern bikarmeistaratitilinn

Eiríkur Stefán Ásgeirsson skrifar
Luca Toni fagnar fyrra marki sínu í kvöld.
Luca Toni fagnar fyrra marki sínu í kvöld. Nordic Photos / Bongarts
Bayern München varð í kvöld þýskur bikarmeistari í knattspyrnu eftir sigur á Dortmund, 2-1, í framlengdum leik.

Luca Toni kom Bayern yfir strax á elleftu mínútu leiksins eftir laglegan undirbúning Franck Ribery.

Þannig stóðu leikar þar til að Mladen Petric jafnaði metin á annarri mínútu í uppbótartíma. Þurfti því að grípa til framlengingar.

Toni skoraði öðru sinni undir lok fyrri hálfleiks framlengingarinnar eftir sendingu frá Lukas Podolski.

Það dugði til sigurs og fögnuðu leikmenn Bayern því sætum sigri.
Þýski boltinn

Mest lesið


Fleiri fréttir

Sjá meira


×

Mest lesið