BMW getur unnið báða meistaratitlanna

Mario Thiessen, framkvæmdarstjóri telur að BMW eigi ágæta möguleika á báðum meistaratitilum í Formúlu 1. Tvö mót eru eftir og BMW er í þriðja sæti í stigakeppni ökumanna, en Robert Kubica er þrðiji í keppni ökumanna.

Kubica er með 72 stig, en Felipe Massa 79 og Lewis Hamilton 84. Í keppni bílasmiða er BMW 14 stigum á eftir forystuliðinu BMW.

Það hefur sýnt sig í síðustu mótum að það getur allt gerst í lokamótunum tveimur. Þá sýndi það sig líka í fyrra að titilinn vannst óvænt af Kimi Raikkönen sem var þriðji í stigamótinu þegar tvö mót voru eftir. Hann var þá 17 stigum á eftir Hamilton, en Kubica er núna 12 stigum á eftir.

Stigagjöfin er þannig að 10 stig fást fyrir sigur, annað sætið gefur 8 stig, síðan eru 6, 5, 4, 3, 2, og 1 stig fyrir næstu sæti á eftir. Því eru 20 stig í pottinum fyrir hámarksárangur.

Kubica varð í öðru sæti á eftir Fernando Alonso í síðustu keppni og fékk átta stig í hús, sem færði hann nær keppinautum sínum.

"Hví skyldi okkur ekki ganga vel í lokamótunum tveimur eins og um síðustu helgi. Við erum ekki með hraðskreiðasta bílinn, en við erum með traustan bíl. Við getum lítið gert til að auka hraðann, en seiglan gæti skilað okkur titili", sagði Thiessen.