Óttast frekari afskriftir fjármálafyrirtækja

Gengi hlutabréfa hefur almennt lækkað á evrópskum hlutabréfamörkuðum í dag. Bloomberg-fréttaveitan segir fjárfesta óttast að fjármálakreppan sé dýpri en áður var talið. Muni afskriftir fjármálafyrirtækja halda áfram og muni nú koma harðar niður á gengi annarra fyrirtækja utan fjármálageirans en áður.

Þá hefur Bloomberg hefur fjármálasérfræðingum að afskriftir og vandræði fjármálafyrirtækja beggja vegna Atlantsála geti haft keðjuverkandi áhrif og muni koma harkalega niður á hagvexti víða um heim. Erfiðara muni nú verða fyrir banka en áður að selja eignir sínar, segir fréttveitan sem bendir á að stærstu bankar Bandaríkjanna hafi á síðustu dögum hafi horft upp á endurskoðaðar afkomuspár.

Gengi bréfa í fjármálafyrirtækjum hefur almennt lækkað af þessum sökum.

Dax-vísitalan í Þýskalandi hefur sem dæmi lækkað um 0,27 prósent og CAC-40 vísitalan í Frakkland um 0,76 prósent. Sömu sögu er að segja af vísitölum á Norðurlöndunum. Mesta lækkunin er í Stokkhólmi í Svíþjóð, upp á 0,52 prósent en minnst í Kaupmannahöfn í Danmörku. Þar hefur C-20 vísitalan lækkað um 0,18 prósent.