Viðskipti erlent

Fyrsta fórnarlambið í Evrópu selt til Bandaríkjanna

Gunther Braeuning, forstjóri IKB, og Karsten von Köhler, forstjóri Lone Star, á á blaðamannafundi í Franfurt í dag þar sem kaupin voru kynnt.
Gunther Braeuning, forstjóri IKB, og Karsten von Köhler, forstjóri Lone Star, á á blaðamannafundi í Franfurt í dag þar sem kaupin voru kynnt. Mynd/AFP

Bandaríska fjárfestingafélagið Lone Star ætlar að kaupa 91 prósents hlut í þýska bankann Industriebank IKB. Bankinn hefur glímt við mikla lausafjárerfiðsleika vegna afskrifta á bandarískum skuldabréfavafningum sem tengjast áhættusömum fasteignalánum í Bandaríkjunum. Erlendir fjölmiðlar eru sammála um að bankinn sé fyrsta evrópska fórnarlamb undirmálslánakreppunnar.

Kaupin voru kynnt á blaðamannafundi í Frankfurt í Þýskalandi í dag.

Samkvæmt upplýsingum Bloomberg-fréttaveitunnar nema afskriftir IKB um 10,3 milljarða evra, jafnvirði 1.257 milljarða íslenskra króna.

Unnið hefur verið að því hörðum höndum upp á síðkastið að bjarga IKB frá gjaldþrotahamrinum og veit auknu hlutafé í hann gegn stöðum. Þýski bankinn KfW, sem hefur gefið út einna mest af íslenskum krónubréfum, á 45,5 prósenta hlut í IKB, er stærsti hluthafinn, en hefur reynt að selja hann í tæpt ár, að sögn Bloomberg sem bætir við að KfW hafi ákveðið að selja hlut sinn þrátt fyrir að uppsett verð hafi ekki fengist.

Nokkur samkeppni var bankann en Lone Star mun hafa haft betur gegn sænska bankanum SEB Enskilda og bandaríska fjárfestingafélaginu Ripplewood. Bankinn hefur keypt upp verðbréf ýmissa fjármálafyrirtækja með afslætti upp á síðkastið, svo sem frá bandaríska fjárfestingabankanum Merrill Lynch, að sögn Bloomberg.



Erlent Fréttir Viðskipti


Mest lesið


Fleiri fréttir

Sjá meira


×

Mest lesið