Ferrara fær stuðningsyfirlýsingu frá forsetanum

Ciro Ferrara, þjálfari Juventus, situr í ákaflega heitu sæti og margir telja að hann sé búinn að vera í kjölfar tapsins gegn Bari í gærkvöldi. Það tap kom á hæla niðurlægjandi taps gegn FC Bayern í Meistaradeildinni.

Forseti Juve, Jean-Claude Blanc, virðist þó ekki hafa misst trúna á Ferrara.

„Ferrara mun klárlega vera með liðið út þessa leiktíð. Við völdum hann sem mann framtíðarinnar og munum halda áfram að vinna með honum að byggja upp liðið. Það er ekki hluti af okkar sögu að skipta mikið um þjálfara," sagði Blanc sem rak Claudio Ranieri þegar tveir leikir voru eftir af síðasta tímabili.