Vagner Love nálgast markamet Klinsmann

Vagnar Love vantar aðeins fjögur mörk upp á að jafna þrettán ára gamalt markamet Jürgen Klinsmann sem skoraði fimmtán mörk í UEFA-Evrópukeppninni á einni og sömu leiktíðinni.

Klinsmann skoraði fimmtán mörk fyrir Bayern München leiktíðina 1995-96 en hann er nú knattspyrnustjóri félagsins.

Vagner Love skoraði sitt ellefta mark á tímabilinu er hann skoraði eina mark sinna manna í CSKA Moskvu í 1-0 sigri liðsins á Shakhtar Donetsk í fyrri viðureign liðanna í 16-liða úrslitunum.

Ef CSKA kemst í úrslitin hefur Vagner Love sex leiki til að bæta markametið.

Aðeins ellefu leikmenn hafa náð þeim áfanga að skora ellefu mörk á sömu leiktíðinni í UEFA-bikarkeppninni.

Þeir eru:

15 Jürgen Klinsmann, Bayern München (1995-96)

14 John Wark, Ipswich (1980-81)

12 Pedro Manfredini, Roma (1960-61)

12 Jan Jeuring, Twente (1972-73)

12 Jupp Heynckes, Borussia Mönchengladbach (1972-73)

11 Stanley Bowles, QPR (1976-77)

11 Henrik Larsson, Celtic (2002-3)

11 Derlei, Porto (2002-3)

11 Alan Shearer, Newcastle (2004-5)

11 Walter Pandiani, Espanyol (2006-7)

11 Vagner Love, CSKA Moskva (2008-9)