Kaka íhugaði að fara frá Milan

Miðjumaðurinn Kaka hjá AC Milan hefur viðurkennt að hann hafi hugsað sig vel um áður en hann hafnað tækifærinu til að ganga í raðir Manchester City fyrir metupphæð í janúar.

Ef marka má viðtal sem tekið var við hann í Sportmediaset, var það ekki síst fjárhagslegur ávinningur Milan sem fékk hann til að hugsa málið vandlega.

Leikmaðurinn sagði eftir sem áður að hann hefði ekki viljað yfirgefa Milan og frábæra stuðningsmenn liðsins, en bætti þó við að sú himinháa upphæð sem City var tilbúin að borga fyrir hann hefði komið sér vel fyrir ítalska félagið og því hafi hann gefið sér tíma til að hugsa málið.