Mihajlovic rekinn frá Bologna

Ítalska knattspyrnufélagið Bologna hefur sagt upp samningi við þjálfarann Sinisa Mihajlovic í kjölfar þess að liðið vann aðeins einn af síðustu tíu leikjum sínum.

Mihajlovic gerði garðinn frægan með m.a. Lazio og Inter sem leikmaður og var þekktur fyrir ótrúlegar aukaspyrnur sínar. Hann skoraði eitt sinn þrennu beint úr aukaspyrnum í leik með Lazio.

Bologna var taplaust í fyrstu níu leikjum sínum undir stjórn Mihajlovic, en síðan fór fljótlega að halla undan fæti hjá liðinu.

Það er Giuseppe Papadpulo sem tekur við þjálfun liðsins, sem er komið í fallbaráttu eftir fjögur töp í röð.