Baoder: Neikvæðir fréttamenn kostuðu mig Ferrari sætið

Ítalinn Luca Badoer telur að fjölmiðlamem hafi kostað hann sæti hjá Ferrari, sem hefur verið tekið yfir af Giancarlo Fisichella. Badoer ók í tveimur mótum í stað Felipe Massa, en lauk keppni í síðasta sæti í þeim báðum.

"Þeir sem skrifa skilja ekki hvaða skaða þeit geta gert. Umræða fjölmiðlamanna átti stóran þátt í því að ég fékk ekki fleiri tækifæri með Ferrari", sagði Baoder í samtali við Gazetta Sportiva.

"En draumur minn rættist og ég keyrði tvö mót fyrir Ferrari. Ég mun geta sagt börnum mínum það síðar á lfísleiðinni. Það eina sem ég mun sjá eftir er að fá ekki tækifæri til að keyra á Monza. Ég hélt ég fengi færi á að bæta mig á milli móta, en það var engin samningur slíkt í gangi.

Fisichella er fljótur og ég er ánægður að draumur hans um að keyra fyrir Ferrari hefur ræst. Hann verður betri en ég, enda er hann búinn að keyra í keppni í mörg ár. Ég verð áfram hjá Ferrari, en mun ekki keppa í Formúlu 1", sagði Badoer.

Sjá allt um Fisichella