Fótbolti

Mario Gomez fer til Bayern

Mario Gomez fagnar marki með Stuttgart í vetur
Mario Gomez fagnar marki með Stuttgart í vetur Nordic Photos/Getty Images

Framherjinn Mario Gomez hjá Stuttgart í Þýskalandi hefur staðfest að hann ætli að ganga í raðir Bayern Munchen í sumar.

Bayern hefur lengi haft augastað á þýska landsliðsmanninum og hann lýsti því yfir í viðtali á heimasíðu Bayern í dag að hann hlakkaði mikið til að vinna titla með liðinu.

Búist er við því að Bayern og Stuttgart klári að ganga frá kaupunum um helgina þegar Gomez snýr aftur til Þýskalands úr keppnisferð til Asíu með landsliðinu.

Talið er að það muni kosta Bayern hátt í 30 milljónir evra að fá kappann frá Stuttgart.





Þýski boltinn

Mest lesið


Fleiri fréttir

Sjá meira


×

Mest lesið