Fjórðu bikarmeistararnir á fimm árum til að detta út strax

Bikarmeistarar Stjörnunnar eru komnir í sumafrí eftir 1-2 tap fyrir Snæfelli í oddaleik liðanna í 8 liða úrslitum úrslitakeppni Iceland Express deildar karla í Stykkishólmi í gærkvöldi.

Stjörnumenn urðu þar með fjórðu bikarmeistararnir á fimm árum sem detta strax út í átta liða úrslitunum. Undantekningin á þessum fimm árum er Snæfellsliðið í fyrra sem fór alla leið í lokaúrslitin.

Á árunum 2002 til 2004 þá fylgdu bikarmeistararnir bikarsigrinum eftir með því að verða Íslandsmeistarar líka. Síðasta liðið til þess að vinna tvöfalt var Keflavíkurliðið veturinn 2003-04.

Gengi síðustu tíu bikarmeistara í úrslitkeppninni

2000 Grindavík (2. sæti, 1-3 tap fyrir KR)

2001 ÍR [Komst ekki í úrslitakeppnina]

2002 Njarðvík (Íslandsmeistari)

2003 Keflavík (Íslandsmeistari)

2004 Keflavík (Íslandsmeistari)

2005 Njarðvík (8 liða úrslit, 0-2 tap fyrir ÍR)

2006 Grindavík (8 liða úrslit, 0-2 tap fyrir Skallagrími)

2007 ÍR (8 liða úrslit, 1-2 tap fyrir KR)

2008 Snæfell (2. sæti, 0-3 tap fyrir Keflavík)

2009 Stjarnan (8 liða úrslit, 1-2 tap fyrir Snæfelli)