Vantar enn 10 miljónir til að keppa

Viktor Þór Jenesen og faðir hans David Jensen leita dyrum og dyngjum að fjármagni til að geta keppt í Formúlu 2. Það er mótaröð sem er ný af nálinni og Jonathan Palmer bauð Viktori sæti gegn því að hann fengi kostendur til verksins.

David Jensen hefur náð að safna 2/3 hluta þess fjármagns sem þarf til að keppa, en það vantar enn 10 miljónir til að koma dæminu á koppinn. Formúla 2 mótaröðin nota bíla sem Williams Formúlu 1liðið hefiur smíðað og eru þeir búnir 450 hestafla Audi vél. Er mótaröðin ódýrari kostur en GP2, sem er næsta mótaröði fyrir neðan Formúlu 1.

"Ef okkur tekst ekki að finna peninga, þá getur verið að ég verði að taka ársfrí frá kappakstri. Það er hindrun í veginum, en ég stefni eftir sem áður að komast í Formúlu 1", sagði Viktor um málið, en hann er 21 árs gamall og búsettur í Englandi.

Þrátt fyrir að hann sé af íslensku bergi brotinn, þá hafa íslenks fyrirtæki lítið stutt Viktor síðustu ár, en hann hefur ekið í kappakstri í ellefu ár.

Sjá nánar um Viktor