Valuev: Haye er hálfviti

Nikolay Valuev, WBA-heimsmeistari í hnefaleikum, segir að næsti andstæðingur sinn, David Haye, sé bara enn einn hálfvitinn.

Haye er þekktur fyrir að fara óhefðbundnar leiðir til þess að auglýsa bardaga sína og það hefur ekkert breyst. Á blaðamannafundi um daginn slóst hann við draug sem átti að vera Valuev. Svo tók hann pappaspjald af Valuev í raunverulegri stærð og skar það niður í búta.

„Ég get ekki tekið þennan mann alvarlega. Hann má svo sem segja hvað sem hann vill en það mun ekki færa honum beltið," sagði Valuev.

„Þegar ég frétti af bolunum af Klitschko-bræðrunum þá hugsaði ég: Guð minn góður, þetta er enn einn hálfvitinn," sagði Valuev en Haye kallaði hann sirkusdýr á dögunum.