Aguero vill vera áfram í herbúðum Atletico Madrid

Framherjinn eftirsótti Sergio Aguero hefur ítrekað að hann hafi engan áhuga á því að yfirgefa Atletico Madrid áður en félagsskipta glugginn lokar 1. september næstkomandi.

Flest stórlið Evrópu voru orðuð við Argentínumanninn snjalla fyrr í sumar en síðustu daga hefur Chelsea verið talið líklegt til Þess að leggja fram risakauptilboð í kappann.

Þær líkur minnkuðu væntanlega talsvert í gærkvöld þar sem Aguero lék og skoraði fyrir Atletico Madrid í undankeppni Meistaradeildarinnar í 2-3 sigri gegn Panahinaikos og væri því ólöglegur með Chelsea í sömu keppni.

„Ég hef alltaf sagt að ég vilji vera áfram hjá Atletico og það virðist nú ætla að vera raunin," segir Aguero í viðtali í leikslok í gærkvöld.