Sviptingar framundan á ökumannsmarkaðnum

Kappaksturinn á Spa er um næstu helgi og mitt í undirbúningi fyrir hann er stöðug umræða um hina ýmsu ökumenn sem skipta munu um lið fyrir næsta tímabil eða möguleika þeirra sem eru með lausa samning í lok árs.

Stærsta spurning er hvort rétt reynist að Fernando Alomso hjá Renault sé að fara til Ferrari og Kimi Raikkönen færi sig um set í hans stað eða hætti hreinlega í Formúlu 1 og fari í rallakstur.

Sú breyting gæti opnað ökumannsmarkaðinn upp á gátt. Í ljósi þess að BMW hættir í lok ársins, þá eru Nick Heidfeld og Robert Kubica lausir allra mála. Kubica hefur verið orðaður við Williams og Renault, og Nico Rosberg við McLaren. Þá eru Heikki Kovalainen, Jarno Trulli og Giancarlo Fisihcella ekki með samninga fyrir næsta ári og staða þeirra ótrygg hjá núverandi liðum.

Þrjú ný lið verða í Formúlu 1 á næsta ári og þar myndast pláss fyrir sex ökumenn. Líklegt er að reynsluboltar eigi stóran sjéns á að komast að hjá nýjum liðum. Þróunarökumaður McLaren, Pedro de la Rosa þykir líklegur hjá nýju spönsku liði sem heitir Campos. Þá hefur USF1 rætt við hann og Alexander Wurz um starf ökumanns.

Stærsta spurningin er þó hvert Alonso fer og sumir telja mögulegt að Ferrari tilkynni komu hans á ítalska kappakstrinum á Monza eftir þrjár vikur. Ef það verður, þá verður handagangur í öskjunni og forráðamenn annarra liða verða tryggja sér trausta ökumenn með hraði.

Sjá brautarlýsingu og tölfræði fyrir Spa