Allt að hrynja hjá Favre og félögum

Saga síðasta árs virðist vera að endurtaka sig hjá Brett Favre. Þá var hann leikstjórnandi hjá NY Jets. Liðið byrjaði leiktíðina þá með miklum látum en allt hrundi til grunna á lokavikum tímabilsins.

Í ár byrjaði Minnesota 10-1 með Favre í aðalhlutverki en í nótt tapaði liðið þriðja leik sínum af síðustu fjórum. Að þessu sinni fyrir Chicago Bears eftir framlengingu, 36-30.

Það sem er þó ólíkt með Vikings og Jets er að Vikings er þegar komið í úrslitakeppnina.

Favre sagði þó eftir leikinn í nótt að ef liðið spilaði ekki betur yrði gamanið stutt í úrslitakeppninni.