Louis van Gaal orðaður við Bayern

Loius van Gaal hefur verið sterklega orðaður við stöðu knattspyrnustjóra hjá þýska úrvalsdeildarfélaginu Bayern München.

Bayern rak Jürgen Klinsmann á dögunum eftir en gengi liðsins í vetur hefur valdið miklum vonbrigðum.

Hollenskir fjölmiðlar halda því fram að van Gaal sé þegar búinn að semja um kaupa og kjör við þýsku risana og að tilkynnt verði um ráðninguna á allra næstu dögum.

Van Gaal gerði AZ Alkmaar að hollenskum meisturum nú fyrir skemmstu.

Forráðamenn AZ hafa hins vegar staðfastlega neitað þessum fregnum og segja að van Gaal sé samningsbundinn AZ í eitt ár til viðbótar.