Fyrrum meistarinn Sharapova komst auðveldlega áfram í þriðju umferð

Tenniskonan Maria Sharapova átti ekki í teljandi erfiðleikum gegn Christinu McHale í annarri umferð á Opna bandaríska meistaramótinu en Sharapova, sem var eitt sinn í efsta sæti á styrkleikalista tennisspilara í kvennaflokki, sneri aðeins aftur í maí eftir að hafa verið frá í tíu mánuði vegna axlarmeiðsla.

Sharapova er hægt og bítandi að komast í sitt gamla form núna en hún mætir Melanie Oudin í þriðju umferðinni.

„Ég finn að sjálfstraustið og trúin er að koma aftur. Ég er að spila mun betur núna en fyrr í sumar," segir Sharapova sem vann Opna bandaríska meistaramótið árið 2006.