Hatton er drjúgur með sig

Breski hnefaleikarinn Ricky Hatton er mjög brattur á síðustu vikunum fyrir stórbardaga hans gegn hinum magnaða Danny Pacquiao þann 2. maí nk.

Bardaginn hefur verið byggður upp sem einvígi tveggja af bestu hnefaleikurum heims pund fyrir pund, en Filippseyingurinn er að stíga upp um vigt til að berjast við Manchester-manninn.

Hatton hefur ekki áhyggjur af hraða Pacquiao og bendir á að hann sjálfur sé sterkari.

"Margir segja að þetta sé hraði gegn krafti, en það gerði fólk líka þegar ég barðist við Paulie Malinaggi. Þá var ég aðeins búinn að æfa í sjö vikur með nýja þjálfarateyminu mínu. Ég er orðinn mun snarpari en ég var áður," sagði Hatton.

"Manny hefur yfir að ráða miklum hraða og tækni og ég virði hann fyrir það, en ég held að hann ætti að hafa aðeins meiri áhyggjur af kraftinum í mér. Hann hefur unnið marga titla á ferlinum, en það var í léttari þyngdarflokkum," sagði Hatton.