Button þokast nær meistaratitlinum

Jenson Button færðist skrefi nær meistaratitlinum í Formúluu 1 um helgina, þó langt sé síðan hann vann mót. Hann vann sex af sjö fyrstu mótum ársins á Brawn bílnum, en varð fimmti í Singapúr í keppni sem landi hans Lewis Hamilton vann.

Button til happs þá fékk Sebastian Vettel akstursvíti fyrir að keyra of hratt á þjónustusvæðinu, á sama tíma og hann var í hörkubaráttu um sigur. Vettel var einn fjögurra ökumanna sem áttu möguleika á meistaratitlinum fyrir mótið. En hann varð að sætta sig við fjórða sætið, eftir að hafa tekið út tímarefsingu í brautinni í gær. Mark Webber féll úr leik vegna bilaðs bremsukerfis og þar með eru hans möguleikar úr sögunni í titilslagnum.

Button getur tryggt sér titilinn í Japan um næstu helgi ef hann fær fimm stigum meira en Rubens Barrichello. Button er með fimmtán stiga forskot á Barrichello og 25 á Vettel. Þrjú mót eru eftir og 30 stig í pottinum. Ef Button fær fimm stig umfram Barrichello þá er ljóst að hann verður meistari. Barrichello gæti jafnað stigin við Button, en sá síðarnefndi verður meistari á fleiri unnum mótum.

Það er altént ljóst að sigrarnir sex sem Button náði í þegar mótið hófst hafa reynst honum gulls ígildi. Ef gullregla sem spáð var í að taka í gildi í upphafi árs hefði verið látin gilda, þá væri hann þegar meistari. Bernie Ecclestone vildi að flestir unnir sigrar réðu úrslitumn í meistaraslagnum. Það gekk ekk eftir.

Stigastaðan 2009