Pacquiao mun rota Hatton

Hnefaleikaþjálfarinn Freddie Roach segir að Manny Pacquiao muni eiga auðvelt með að rota Ricky Hatton í bardaga þeirra um IBF beltið í Las Vegas á laugardaginn.

Roach er þjálfari Pacquiao og hann spáir því að Hatton muni mæta öðrum lærisvein sínum, Amir Khan, innan tólf mánaða ef hann tapar fyrir Pacquiao.

"Hatton á ekki mikið eftir af ferlinum og ef Manny gerir það sem ég held að hann eigi eftir að gera, mun hann lúskra duglega á honum. Ef það gerist, myndi ég tippa á að Hatton gengi að því að berjast við Amir Khan á Englandi. Það yrði stór bardagi sem myndi seljast upp eins og skot," sagði Roach í samtali við Daily Telegraph.

Hérna má sjá viðtal við Freddie Roach af vef Telegraph.