KR-ingar skoruðu 123 stig á móti Blikum

KR vann 48 stiga stiga sigur á Breiðabliki, 123-75, í fyrsta leik liðanna í átta liða úrslitum Iceland Express deildar karla í körfubolta í DHL-Höllinni í kvöld. KR getur tryggt sér sæti í undanúrslitunum með sigri í Smáranum á þriðjudaginn.

KR var með mikla yfirburði frá upphafi, var 40-18 yfir eftir fyrsta leikhluta og með 33 stiga forskot, 68-35, í hálfleik. KR var síðan búið að skora 101 stig fyrir lokaleikhlutann en liðið var þá með 46 stiga forskot, 101-55.

Jason Dourisseau bar með 29 stig og 11 fráköst hjá KR og Helgi Már Magnússon skoraði 21 stig. Nemanja Sovic var með 33 stig og 13 fráköst hjá Blikum.

Jón Arnór Stefánsson lék ekki með KR vegna meiðsla en það háði liðinu greinilega ekki mikið í þessum afar auðvelda sigri.