IE-deild karla: Úrslit kvöldsins voru eftir bókinni

Tveir leikir fóru fram í Iceland Express-deild karla í kvöld þar sem Grindavík bar sigurorð af Breiðablik 94-68 og Snæfell vann 116-133 stórsigur gegn FSu.

Grindavík náði að stoppa tveggja leikja sigurgöngu Breiðabliks en jafnræði var með liðunum framan af leik og staðan var 43-39 í hálfleik. Heimamenn tóku svo öll völd á vellinum í síðari hálfleiknum.

Páll Axel Vilbergsson var stigahæstur hjá Grindavík með 21 stig en Jeremy Caldwell var atkvæðamestur hjá Breiðabliki með 21 stig og 21 frákast.

Snæfell átti í vandræðum með sóknarleik sinn gegn Fjölni á dögunum og tapaði þá sínum fyrsta leik á árinu 2010 en Hólmarar settu í fluggírinn í kvöld gegn FSu og sigur gestanna var í raun aldrei í hættu en staðan í hálfleik var 60-75.

Sean Burton var stigahæstur hjá Snæfelli með 25 stig en fjórir leikmenn Snæfells skoruðu meira en 20 stig í kvöld. Hjá FSu var Richard Williams stigahæstur með 40 stig.

Grindavík og Snæfell styrktu stöðu sína í toppbaráttunni með sigrunum og eru nú komin upp að hlið Stjörnunni og Njarðvík í 3.-6. sæti.

Breiðablik og FSu verma hins vegar sem fyrr tvo neðstu sæti deildarinnar en Blikar eru þó í harðri baráttu um síðustu tvö sætin í úrslitakeppninni ásamt Hamar, ÍR, Tindastóli og Fjölni.

Úrslit kvöldsins:

Grindavík-Breiðablik 94-68 (43-39)

Stig Grindavíkur: Páll Axel Vilbergsson 21, Ólafur Ólafsson 18, Darrell Flake 18, Ómar Sævarsson 14, Brenton Birmingham 12, Ármann Vilbergsson 6, Guðlaugur Eyjólfsson 4, Björn Steinar Brynjólfsson 1.

Stig Breiðabliks: Jeremy Caldwell 21 (21 frákast), Aðalsteinn Pálsson 11, Águst Angantynsson 10, Jonathan Schmidt 10, Daníel G. Guðmundsson 9, Jónas Ólafsson 5, Þorsteinn Gunnlaugsson 2.

FSu-Snæfell 116-133 (60-75)

Stig FSu: Richard Williams 40 (10 fráköst), Aleksas Zimnickas 24, Kjartan Kárason 16, Sæmundur Valdimarsson 12, Cristopher Caird 12, Jake Wyatt 6, Orri Jónsson 5.

Stig Snæfells: Sean Burton 25 (8 stoðs.), Sigurður Þorvaldsson 24, Hlynur Bæringsson 22 (8 fráköst), Jón Ólafur Jónsson 22, Sveinn Arnar Davíðsson 15, Martins Berkis 15, Emil Þór Jóhannsson 6, Pálmi Fannar Helgason 2, Pálmi Freyr Sigurgeirsson 2.