Trichet styður hertari reglur um skuldatryggingamarkaðinn

Fjallað er um málið í Financial Times. Þar er haft eftir Trichet að hann sé sammála þeim sem segja að eftirlitsaðilar með markaðinum eigi að geta haft í höndunum skilvirkt regluverk sem geri þeim kleyft að rannsaka mála og samhæfa aðgerðir sínar. „Við þurfum meira gegnsæi á skuldatryggingamarkaðina og það þurfa fjárfestar einnig," segir Trichet.

Trichet segir að forgangverkefni eigi að vera að koma á fót miðstöðvum þar sem viðskiptin eru samþykkt. Slíkt myndi aðstoða við að auka gegnsæið á skuldatryggingamarkaðinum og draga úr viðleitni til að taka mikla áhættu.

Eftirlitsaðilar beggja vegna Atlantshafsins hafa rætt um það frá fjármálahruninu árið 2008 hvernig koma ætti böndum á skuldatryggingamarkaðinn. Enn sem komið er hefur ekkert áþreifanlegt gerst. Hinsvegar hefur Michael Barnier framkvæmdastjóri fyrir innri markað ESB nú lofað að rammalöggjöf verði sett fram fyrir haustið. Í henni verður sérstök áhersla lögð á regluverk í kringum skuldatryggingar á opinberum skuldum þjóða, það er ríkisskuldabréfum.