Meistarinn Button lauk fjölmennustu þríþrautarkeppni heims með sóma

Bretinn Jenson Button, núverandi meistari í Formúlu 1 lauk þríþrautarkeppni í London með sóma um síðustu helgi. Hann varð fjórði af 570 keppendum í sínum flokki samkvæmt frétt á f1.com, en í heildina kepptu um 10.000 manns. Keppnin er sögð fjölmennasta þríþrautarkeppni heims. Hann hafði verið eitthvað lasinn fyrir keppnina, en synti samt 1500 metranna, hjólaði 40 km og hljóp 10 km í kapp við aðra keppendur. Tími Buttons var 2 klukkustundir, 14 mínútur og 14 sekúndur. Button sagði á Twitter síðu sinni að hlaupið hefði tekið á og að lasleikinn fyrir mótið hefði dregið úr honum mátt vegna inntöku lyfs. Hann kvaðst þó ánægður með árangurinn, en hann keppir næst í Formúlu 1 á Spa brautinni Í Belgíu í lok mánaðarins. Með þátttöku sinni var Button að styrkja góðgerðarsamtök sem hjálpar fólki sem þjáist að lífshættulegum sjúkdömum. Sjá meira um málið á http:// www.justgiving.com/jb2010.