Favre fær ekki að liggja lengi undir feldinum

Enn eitt árið bíða menn eftir því að heyra frá Brett Favre hvað hann ætlar að gera. Mun hann loksins hætta eða halda áfram að spila í NFL?

Aldrei þessu vant er fastlega búist við því að Favre taki eitt ár í viðbót en það er nánast orðið vonlaust að spá í hvað hann ákveður næst.

Félag hans, Minnesota Vikings, nennir ekki að bíða of lengi eftir svari og hefur óskað eftir því að hann gefi þeim svar eigi síðar en 5. mars.

Þá opnast markaðurinn og Vikings þarf að láta til sín taka þar ef Favre tekur ekki slaginn á nýjan leik.

Er því spáð að Minnesota muni reyni við Donovan McNabb og Matt Hasselbeck ef Favre ákveður að hætta.