Skotárás á rútu Tógó-liðins í Angóla

Að minnsta kosti sex menn særðust þegar rúta landsliðs Tógó varð fyrir skotárás í Angóla í dag en landsliðið er statt í Angóla til þess að taka þátt í Afríkukeppni landsliða sem hefst á sunnudaginn.

Tveir leikmenn, tveir læknar, ökumaður og blaðamaður særðust í árásinni en leikmennirnir sem særðustu heita Obilale Kossi og Serge Akakpo.

Emmanuel Adebayor hjá Manchester City og áður Arsenal er þekktasti leikmaður Tógó en ekki vitað til þess að hann hafi særst í árásinni.