Eigandi Arsenal eignast St. Louis Rams

Stan Kroenke, aðaleigandi Arsenal, hefur fest kaup á St. Louis Rams í amerísku fótboltadeildinni, NFL.

Hann átti 40% í félaginu en hann mun eiga allt félagið eftir að hafa pungað út 750 milljónum dollara.

Kroenke á einnig Denver Nuggets í NBA-deildinni í körfubolta og Colorado Avalanche í NHL-deildinni í íshokkí.

"Ég er upptekinn maður," sagði Kroenke brosandi en hann þurfti að afhenta Nuggets og Avalanches syni sínum til að mega eignast Rams.

Dekraður sonur þar á ferð. Hann heitir Josh og er þrítugur.